புதிய‌ தேர்தல் சீர்திருத்தங்கள் விரைவில் அறிமுகம்: எஸ்.ஒய்.குரேஷி

ஆகஸ்டு மாதம் முடிவதற்குள் தேர்தல் சீர்திருத்தங்கள் அமலுக்கு வரும்  என்று புதிய தலைமை தேர்தல் ஆணையராக தேர்ந்தெடுக்கப்பட்டுள்ள எஸ்.ஒய்.குரேஷி கூறியுள்ளார்.
புதிய தலைமை தேர்தல் கமிஷனராக எஸ்.ஒய்.குரேஷி பொறுப்பேற்க உள்ளார். இந்நிலையில், குரேஷி செய்தியாளர்களிடம் பேசுகையில்,

தேர்தல்களில் பண பலத்தின் ஆதிக்கம் அதிகமாக உள்ளது. கருப்பு பணம் அதிகமாக புழங்குகிறது. இதை கட்டுப்படுத்த தேர்தல் சீர்திருத்தங்கள் கொண்டு வரப்படும். இதற்காக, அனுபவம் வாய்ந்த, சிறந்த அதிகாரிகளுடன் ஆலோசனை நடத்தி, வரைவு சீர்திருத்தங்களை உருவாக்கி உள்ளோம்.

ஆகஸ்டு மாதம் முடிவதற்குள் தேர்தல் சீர்திருத்தங்கள் அமலுக்கு வரும். நாட்டில் தற்போது ஆயிரத்து 100 அரசியல் கட்சிகள் உள்ளன. அரை மணி நேரத்துக்கு ஒரு கட்சி வீதம், பதிவு செய்யப்படுகிறது.

பெயர் அளவுக்கு செயல்படும் இத்தகைய கட்சிகளின் பதிவை ரத்து செய்ய தேர்தல் கமிஷனுக்கு அதிகாரம் இருக்க வேண்டும். தேர்தல் சீர்திருத்தங்களில் இந்த அதிகாரம் அளிக்கப்படும் என்று கூறினார்.

Share |  |     Print This Post  |  Email This Post